केन्द्रमा सत्ता समीकरण फेरिएसँगै सुदूरपश्चिम प्रदेश सरकारबाट नेकपा एमाले बाहिरिएको छ।
बिहीबार प्रदेश संसदीय दलका नेता राजेन्द्रसिंह रावलले मुख्यमन्त्रीको अनुपस्थितमा सरकारलाई दिएको समर्थन फिर्ता लिएको पत्र उनको सचिवालयमा बुझाउँदै सरकारबाट एमाले बाहिरिएको हो।
रावलसँगै एमालेको तर्फबाट सरकारमा सहभागी आर्थिक मामिला मन्त्री सुरेन्द्रबहादुर पाल, आन्तरिक मामिला मन्त्री हिरा सार्की र वन, वातावरण तथा सहकारी मन्त्री वीरबहादुर थापाले राजीनामा बुझाएका छन्।
सुदूरपश्चिममा एमाले समेतको समर्थनमा एकीकृत समाजवादीका दीर्घबहादुर सोडारी मुख्यमन्त्री बनेका थिए।
