बाँकेकाे राप्तीसोनारी गाउँपालिका– १ को खोकरी गाउँमा झाडापखाला फैलिएको छ। झाडापखालाले ३० जना भन्दा बढी बिरामी परेका छन्।
लुम्बिनी प्रदेश सांसद कृष्णा केसी ‘नमूना’ले यसको जानकारी गराएकी हुन्। उनकाअनुसार अहिले गाउँमा स्थानीय स्वास्थ्यकर्मीहरूले बिरामीहरूको उपचार गरिरहेका छन्।
थप उपचारका लागि औषधिसहित जिल्लाबाट स्वास्थ्यकर्मीको टोलीसमेत खोकरी गाउँमा पुगेको छ। गम्भीर बिरामी भएका केहीलाई नेपालगन्जस्थित भेरी अस्पतालमा उपचारको लागि पठाइएको पनि सांसद नमूनाले बताइन्।
