ललितपुरमा होली खेल्ने क्रममा दुई समूहबीच झडप हुँदा दुई जना युवाको मृत्यु भएको छ।
गएराति ललितपुर महानगरपालिका- २६ ढोलाहिटीमा दुई पक्षबीच झडप हुँदा दुई जनाको मृत्यु भएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।
मृत्यु हुनेमा अन्दाजी २८-२९ वर्षका पूजन राई र राेवस राई रहेका छन्। पूजन पाँचथरका हुन् भने राेवस सुनसरीकाे धरानका हुन्।
झडपका क्रममा उनीहरुमाथि छुरा प्रहार भएकाे थियाे। छुरा प्रहारबाट घाइते भएका पूजनकाे सुमेरु हस्पिटल र राेवसकाे पाटन हस्पिटलमा मृत्यु भएकाे हाे।
घटनामा संलग्न १८ जनालाई नियन्त्रणमा लिएर प्रहरीले अनुसन्धान सुरु गरेकाे छ।
