२३औँ संस्करणको आहा रारा गोल्डकपको उपाधि त्रिभुवन आर्मी क्लबले जितेको छ। शनिबार पोखरा रङ्गशालामा भएको खेलमा थ्रिस्टार क्लबलाई ३–० गोलले हराउँदै आर्मीले पहिलोपटक आहा रारा गोल्डकपको उपाधि जितेको हो।
खेलको ३८औं मिनेटमा आर्मीले अग्रता लिएको थियो। आर्मीको लागि पहिलो गोल जिलेस्पी जंग कार्कीले गरे। पहिलो हाफ १–० को अग्रता लिएको आर्मीले दोश्रो हाफमा २ गोल गर्न सफल रहयो।
खेलको ८३औं मिनेटमा फात्तेमान घलेले आर्मीलाई दोश्रो सफलता दिलाए। त्यसपछि खेलको अतिरिक्त समयमा बसन्त जिम्बाले गोल गर्दै आर्मीलाई ३–० को सफलता दिलाए।
उपाधि जितेसँगै आर्मीले १२ लाख र थ्रि स्टारले ६ लाख प्राप्त गरेको छ।
