अधिकार माग्दै सातै प्रदेशका मुख्यमन्त्रीहरुले प्रधानमन्त्री पुष्पकमल दाहाल ‘प्रचण्ड’लाई ध्यानाकर्षण पत्र बुझाएका छन्। शनिबार प्रधानमन्त्री निवास बालुवाटारमा पुगेर उनीहरुले ध्यानाकर्षण पत्र बझाएका हुन् ।

संघीयता कार्यान्यन र सविधान बमोजिम प्रदेश सरकारलाई अधिकार दिन मुख्यमन्त्रीहरुको माग छ। संघ सरकारसँग अधिकार माग गर्नका लागि बागमती प्रदेशको हेटौडामा शुक्रबार मुख्यमन्त्रीहरुको बैठक बसेको थियो। 

गत असार १५–१६ गते पोखरामै तय भएको साझा अवधारणा र निर्णयलाई निरन्तरता दिँदै मुख्यमन्त्रीहरको हेटौंडा बैठक सकिएको थियो।