नेकपा (एमाले)को ‘मध्यपहाडी लोकमार्ग अभियान’ सुरु भएको छ। बिहीबार बिहान बैतडीको झुलाघाटाबाट एमाले अध्यक्ष केपी शर्मा ओलीले राष्ट्रिय झण्डा झण्डोत्तोलन गरेर अभियानको शुभारम्भ गरे।
अभियानको शुभारम्भ गर्दै ओलीले राष्ट्रिय शक्ति निर्माण गर्ने जागरण अभियान भएको बताए।
एक हजार ८७९ किलोमिटर लामो लोकमार्गको यात्रा तीन हप्तासम्म चल्ने छ। आज पहिलो दिनको सभा बैतडीको गोठालापानीमा गर्ने तय भएको छ।
दोस्रो दिनको सभा सिलगढी, तेस्रो दिनको सभा मंगलसेनमा हुने एमालेले जनाएको छ। अभियान पाँचथरको चिवाभज्याङमा समापन हुनेछ।
एमाले पुस २ गते काठमाडौं फर्कनेछ भने पुस ५ गते यात्रा सकिएको घोषणा गर्ने तयारी गरेको छ।
