यदि देश र समाजलाई बुझ्नु छ भने देशवासीका विश्वासका समस्त साहित्य, वेदादि र मुन्धुम पढ्नै पर्छ। पढाउनै पर्छ। देशको सांस्कृतिक इतिहास यही हो भनेर अरूको बुझ्दै नबुझी आफ्नो कुरा थोपर्न मिल्छ जस्तो लाग्दैन।
क्रियाशीलताको आधारमा जीवनलाई मैले मुख्यतः तीन अवस्थामा गुजारें- विद्यार्थी, राजनीतिक कार्यकर्ता र इतिहासको अध्येता भएर। कहिले राजनीतिक कार्यकर्ता भएर समयलाई बढी उपयोग गरें जस्तो लाग्छ, कहिले छात्र भएर। इतिहासलाई बुझ्ने, बुझाउने विषयमा बढी समय खर्चेको जस्तो पनि लाग्छ।
