जुम्लाको गुठीचौर गाउँपालिका र चन्दननाथ नगरपालिकाका विभिन्न स्थानमा भएका आगजनीमा संलग्न भएको आशङ्कामा प्रहरीले १० जनालाई नियन्त्रणमा लिएको छ।
जिल्ला प्रहरी कार्यालय जुम्लाका सूचना अधिकारी धर्मराज जोशीकाअनुसार आगजनीमा संलग्न भएको आशङ्कामा उनीहरूलाई नियन्त्रण लिइ अनुसन्धान सुरु गरिएको हाे। प्रहरीले पक्राउ परेकाको नाम भने सार्वजनिक गरेको छैन।
गएराति अन्दाजी साढे २ बजेतिर गुठीचौरमा ६ वटा घर, एक ट्याक्टर र चन्दननाथ नगरपालिकामा १ घरमा अज्ञात समूहले आगजनी गरेको थियो। गुठीचौर गाउँपालिकाका अध्यक्ष दानबहादुर बुढाकाअनुसार गएराति धवलपुर गाउँमा दुई, बाउली गाउँमा एक, ढुडाखोजमा एक, माथिल्लो देहारजिबुरमा एक र खल्ला वडामा दुई गरी सात घरमा आगजनी भएको थियो।
– यसअघि शीर्षकमा ‘१० जना पक्राउ’ हुनुपर्नेमा भुलवश अन्यथा भएकोमा सच्चाइएको छ। सम्पादक
