नेपालको इतिहासमा झन्डै ६५ लाख जनसङ्ख्याले मात्र कक्षा १० वा सो सरहमात्र अध्ययन गरेको तथ्याङ्क छ । वर्तमान अवस्थामा झन्डै ७३ लाख विद्यार्थी नेपालको औपचारिक विद्यालय शिक्षा र झन्डै सात लाख विद्यार्थी उच्च शिक्षाको मूल प्रवाहमा छन् ।
कक्षा १० सम्म पनि अध्ययन पूरा गर्न नसकेको जनसंख्या झन्डै १ करोड ६० लाख छ । २०७९ सालमा चार लाख ६७ हजार ३८९ विद्यार्थी कक्षा १२ को परीक्षामा सामेल भएका छन् । गत वर्ष कक्षा १२ उत्तीर्ण गर्ने विद्यार्र्थीको सङ्ख्या ४८ प्रतिशत मात्रै छ । देशभरि नै अहिले स्नातक तहका विभिन्न सङ्काय र कार्यक्रममा विद्यार्थी भर्नादर ह्वात्तै घटेको छ ।
