प्रहरीले ठमेलस्थित एलओडी (लर्ड अफ द ड्रिंक्स) क्लबका अर्का सञ्चालक रुदिल बल्लब श्रेष्ठ पनि पक्राउ गरेको छ।
श्रेष्ठलाई ललितपुर प्रहरीले बिहान ९ः३० बजे कुपण्डोलबाट पक्राउ गरेको हो। गत जेठ ३० गते क्लब पुगेकी नाबालिका बलात्कार मुद्दामा प्रहरीले रुदिल बल्लब श्रेष्ठलाई पक्राउ गरेको हो।
नाबालिगलाई क्लब प्रवेश गराएको भन्दै प्रहरीले दुई सञ्चालक मध्येका राजुसिंह सुवाल हिजो (बिहिबार) पक्राउ गरेको थियो।
क्लब पुगेकी १६ वर्षीया नाबालिगलाई पोखरा घर भएका ५० वर्षीय सुदन कोइरालाले ललितपुरस्थित आफ्नो फ्ल्याटमा लगेर गत जेठ ३१ गते बलात्कार गरेको प्रहरीमा जाहेरी परेको थियो। र सोही आधारमा कोइरालाले १६ वर्षको केटी क्लब प्रवेश गर्न पाउँदैन भनेपछि नाबालिगलाई क्लबमा प्रवेश दिएको विषयलाई लिएर प्रहरीले क्लबका सञ्चालक रुदिलवल्लव श्रेष्ठ र राजुसिंह सुवालमाथि अनुसन्धान थालेको थियो।
