कर्णाली प्रदेशसभाको दोस्रो कार्यकालको दोस्रो बैठक सोमबार (आज) दिउँसो १ बजे बस्ने भएकाे छ।
जेष्ठ सदस्य विनाेद शाहको अध्यक्षतामा १८ गते बसेको पहिलो बैठकबाट साेमबार दाेस्राे बैठक आह्वान गरेको थियो।
बैठकले सभामुख र उपसभामुख चयनको मिति तोक्ने प्रदेशसभा सचिवालयले जनाएको छ। सचिवालयका अनुसार आज दिउँसो १ बजे दोस्रो बैठक आह्वान भएको छ।
बैठकका लागि सम्पूर्ण तयारी पुरा भएकाे प्रदेशसभा सचिवालयका सचिव जिवराज बुढाथोकीले बताए।
उनले भने, 'सभामुख र उपसभामुख चयनको मिति तोक्ने बाहेक अन्य खासै एजेण्डा केही छैनन्।'
