हामीले कुरिलोलाई तरकारीको रुपमा बढी प्रयाेग गर्ने गर्दछौं। तर, यसको प्रयोग गर्दा तरकारी मात्र नभई स्वास्थ्यमा आउने धेरै समस्याहरुमा पनि फाइदा हुने गर्छ। अझ कुरिलोको जरालाई बुद्धिवर्द्धक, अग्निवर्द्धक औषधिका रूपमा तथा दुर्बलता, शोक आदिको निवारकका रूपमा आयुर्वेदमा व्याख्या गरिएको छ।

कुरिलो नियमित सेवन गर्दा महिलाका लागि समेत फाइदाजनक हुन्छ। यसले शरीरमा ऊर्जा उत्पन्न गर्नुको साथै शारीरिक दुर्बलता हटाउन, महिनावारी गढबडी ठीक पार्नका लागि समेत कुरिलो उपयोगी हुन्छ।

कुरिलोको तरकारी वा सुप बनाएर खाँदा शरीरमा हुने विभिन्न दुखाइ सन्चो हुन्छ। यो सुत्केरीका लागि पनि उपयोगी छ। यसको सेवनले दूध नआउने समस्या समाधान गर्छ।

नियमित कुरिलो खाने गरेमा क्यान्सर हुने सम्भावना कम हुने गर्दछ। कुरिलोको जराको चूर्ण बनाई नियमित खाएमा यौन दुर्बलता र स्तनजन्य रोगलाई फाइदा गर्छ।