दाङ तुलसीपुर–११ मोतिपुर नजिकै बबई नदीमा नुहाउने क्रममा डुबेर बेपत्ता भएका दुई किशोरी फेला पर्न सकेका छैनन्।
बबई नदीमा नुहाउने क्रममा शनिबार दिउँसो १ बजे दंगिशरण गाउँपालिका–२ की १४ वर्षीया रमा शाह र सल्यानको दमाचौर गाउँपालिका– १ की १४ वर्षीया गोमा चन्द डुेबर बेपत्ता भएका थिए।
डुबेर बेपत्ता भएको खबर पाए लगत्तै शसस्त्र प्रहरी, नेपाल प्रहरी र स्थानीयले खोजि गरेका थिए। तर रात परेपछि उनीहरुको खोजि गर्न नसकिएको र आज (आइतबार) पुन खोजि कार्य गरिने इलाका प्रहरी कार्यालय तुलसीपुरका डिएसपी पुष्पराज मल्लले जानकारी दिए।
उनका अनुसार बबई नदी गहिरो रहेकाले बेपत्ता किशोरीहरुको खोजि कार्यमा समस्या भइरहेको छ। आज नपालगञ्जबाट गोताखोरको टोली आउन लागेको डिएसपी मल्लले बताए।
