स्थानीय तहको निर्वाचनमा घोराही उपमहानगरपालिकामा एमालेले एकल जीत निकाल्दा ०७४ को प्रतिनिधिसभा निर्वाचनमा एमालेले दाङ –२ मा आफ्नो स्थान सुरक्षित देखिसकेको थियो।
स्थानीय तहको निर्वाचनमा एकल ‘हाबी’ भएको एमालेले त्यसको केहि महिना पछिको प्रतिनिधिसभा तथा प्रदेशसभा निर्वाचनमा आफ्नो जनमत अझ बलियो बनाउन सक्ने दृढता अस्वाभाविक थिएन पनि। अझ यो क्षेत्रबाट निर्वाचन लड्ने मनस्थिती बोकेका नेता शंकर पोखरेलले आफ्नो ‘पल्लाभारी’ हुने लख काटिसकेका थिए।
