नेकपा माओवादी केन्द्रले पदाधिकारीकाे टुंगो लगाएको छ।

पार्टी केन्द्रीय कार्यालय पेरिसडाँडामा शनिबार बसेको स्थायी समिति बैठकले २१ सदस्यीय पदाधिकारी टुंग्गो लगाएको हो।

जसमा एक जना अध्यक्ष, एक जना वरिष्ठ उपाध्यक्ष, एक जना उपाध्यक्ष, एक जना महासचिव, ७ जना उपमहासचिव, ९ जना सचिव र एक जना कोषाध्यक्ष बनाइएको छ।

पार्टी अध्यक्ष पुष्पकमल दाहाल प्रचण्डले महासचिवमा देव गुरुङकाे नाम प्रस्ताव गरेका छन्।

वरिष्ठ उपाध्यक्षमा नारायणकाजी श्रेष्ठ छन् भने उपाध्यक्षमा कृष्णबहादुर महराकाे नाम प्रस्ताव गरिएकाे छ।

उपमहासचिवमा वर्षमान पुन, पम्फा भुसाल, जनार्दन शर्मा, गिरिराजमणि पोखरेल, शक्ति बस्नेत, मात्रिका यादव, हरिबोल गजुरेल रहेका छन्।

यस्तै सचिवमा दिनानाथ शर्मा, चक्रपाणि खनाल, देवेन्द्र पौडेल, लिलामणि पोखरेल, गणेश शाह, हितमान शाक्य, हितराज पाण्डे, डिलाराम आचार्य र राम कार्कीकाे नाम प्रस्ताव गरिएकाे छ। कोषाध्यक्षमा भने श्रीराम ढकालको नाम प्रस्ताव भएको छ।