इरानी प्रहरीले दक्षिणी प्रान्त केरमानमा गरेको कारबाहीमा छ सय ९७ केजी अवैध लागुऔषध बरामद गर्नाका साथै छ जना सशस्त्र तस्करलाई मारेको प्रान्तीय प्रहरी प्रमुख अब्दोलरेजा नाजेरीले बताएका छन्।
कारबाहीका क्रममा तस्करहरूबाट हातहतियार र ठूलो परिमाणमा गोला बारुद फेला परेको उनले बताए। तस्करकरूको आक्रमणमा परी एकजना प्रहरी जवानको मृत्यु भएको र पाँचजना घाइते भएका छन्।
अफगानिस्तानबाट युरोपसम्म लागूऔषध तस्करी गर्न सशस्त्र तस्करहरूले इरानलाई प्रयोग गर्दै आएका छन्।
विगत केही दशकयता इरानका पूर्वी र दक्षिणपूर्वी सीमानामा सुरक्षा बलहरू र सशस्त्र लागूऔषध तस्करबीच घातक झडप हुँदै आएका छन्।
