सरकारले फेरि पेट्रोलियम पदार्थको मूल्य बढाएको छ।
नेपाल आयल निगमले सोमबार मध्यरातिदेखि लागू हुने गरी पेट्रोल प्रतिलिटर २ तथा डिजेल र मट्टितेलमा ९ रुपैयाँ मूल्यले बढााएको हो।
योसँगै पेट्रोलको मूल्य प्रतिलिटर १८१, डिजेल र मट्टितेलको मूल्य प्रतिलिटर १७२ र आन्तरिकतर्फको हवाइ इन्धनको मूल्य प्रतिलिटर १९० पुगेको छ।
खाना पकाउने एलपी ग्यासको भने मूल्य यथावत (१ हजार ८ सय रूपैयाँ) छ। भारतीय आयल कर्पोरेसनले बढाएर मूल्यसूची पठाएपछि नेपालमा पनि मूल्य बढाउनुपरेको निगमको दाबी छ।
यसअघि असार ५ गते निगमले पेट्रोल लिटरमा २१ रूपैयाँ र डिजेल तथा मट्टीतेल लिटरमा २७ रूपैयाँ बढाएको थियो। तर त्यसको तीव्र विरोध भएपछि असार ११ गते आयल निगमले पेट्रोलमा २० रूपैयाँ डिजेल र मट्टीतेलमा २९ रूपैयाँ घटाएको थियो।
