जुम्लाकाे तिला गाउँपालिका–३ सार्कीबाडामा आगलागी हुँदा एकै परिवारका चार जनाकाे मृत्युु भएकाे छ।
गएराति करिब ११ बजेतिर सार्कीबाडाका मानसिंह सार्कीको घरमा आगलागी भएको स्थानीयले बताएका छन्।
आगलागीबाट मृत्यु हुनेमा १४ वर्षीया तिर्सना सार्की, ११ वर्षीया अनु सार्की, ३ वर्षीया दर्शना सार्की र १ वर्षीय दिपेश सार्की रहेका छन्।
आगलागीबाट घाइते भइ अचेत रहेका मानसिंह सार्की, उनकी श्रीमती फागुनी सार्की र बहिनी रुन्चकली सार्कीकाे कर्णाली स्वास्थ्य विज्ञान प्रतिष्ठानमा उपचार भइरहेको छ।
आगलागीबाट भएकाे क्षतिकाे विवरण आउन बाँकी रहेकाे प्रमुख जिल्ला अधिकारी विजया कुमारी प्रसाईंले बताइन्।
