पर्साको पोखरिया नगरपालिकाको नहरबाटोमा भएकाे दुर्घटना हुँदा दुई जनाको मृत्यु भएको छ।
आज बिहान १० बजे दुईवटा मोटरसाइकल ठोक्किँदा दुई जनाको मृत्यु भएको हाे।
ना३प १०३६ तथा प्रदेश २ ७४७६ नं एक आपसमा ठोक्किँदा घटनास्थलमा मृत्यु भएको ईलाका प्रहरी कार्यलय पोखरियाका प्रहरी निरक्षक दिपक थापाले बताएका छन्।
मृत्यु हुनेमा धोवीनी गाउपालिका-३ गुलरिया निवारी २५ वर्षीय ललनप्रसाद कुर्मी र सखुवाप्रसौनी गाउँपालिका एकडरवा टोल निवारी २६ वर्षीय हसिन्दर सहनी रहेको प्रहरीले जनाएको छ।
घाइते ३ जनामध्ये एकडरवाको रन्जित राउतको अवस्था गम्भिर रहेको र थप उपचारको लागि बाहिर लगिरहेको प्रहरीले जनाएको छ।
अन्य घाइते रोजदिन मिया र सुकेन राउतको उपचार अहिले नारायणी अस्पतलमा भइरहेको छ। दुवै साधन तीव्र गतिमा रहेकोले अनियन्त्रित भई एकआपसमा ठोक्किएको प्रहरी निरीक्षक दिपक थापाले बताए।
