रूसले युक्रेनसँग उच्च स्तरमा वार्ता गर्न तयार रहेकाे बताएकाे छ। रुसी राष्ट्रपति भ्लादिमिर पुटिनले शुक्रबार चिनियाँ राष्ट्रपति सी चिनफिङसँग फोन वार्तालापमा साे कुरा बताएका हुन्।

‘रुस युक्रेनसँग उच्च तहमा वार्ता गर्न तयार छ,’ पुटिनलाई उद्धृत गर्दै स्पुतनिक समाचार एजेन्सीले भनेको छ।

यसैबीच बेइजिङले रुस र युक्रेनबीचको द्वन्द्व वार्ताबाट समाधान गर्न समर्थन गरेको चिनियाँ राष्ट्रपतिले बताएका छन्।

‘हालसालै पूर्वी युक्रेनको स्थिति द्रुत रूपमा परिवर्तन भइरहेको छ, जसले अन्तर्राष्ट्रिय समुदायको ध्यान बढाएको छ। चीनले रुस र युक्रेन बीचको विवाद वार्ताबाट समाधान गर्न समर्थन गर्दछ,’ सीको यस सन्देशलाई सीसीटिभीद्वारा भनिए उद्धृत गरिएको थियो।

‘चीनले सबै देशको सार्वभौमसत्ता र क्षेत्रीय अखण्डताको सम्मान, संयुक्त राष्ट्र संघको बडापत्रका प्रावधान र सिद्धान्तहरूको कार्यान्वयनको निरन्तर वकालत गर्छ,’ सीले भनेका छन्।

उता अर्को समाचार एजेन्सी तासका अनुसार पनि चिनियाँ राष्ट्रपतिले बेइजिङले एकीकृत, स्थिर र व्यापक सुरक्षा निर्माण गर्न र संयुक्त राष्ट्र र अन्तर्राष्ट्रिय कानूनमा आधारित विश्व व्यवस्था सुनिश्चित गर्न अन्तर्राष्ट्रिय समुदायसँग सहयोग गर्ने प्रसंगकाे समाचार प्रकाशन गरिएको छ।

रुसी विदेशमन्त्री सेर्गेई लाभरोभले अघिल्लो दिन मस्को कुनै पनि बेला किभमा वार्ताका लागि तयार रहेको बताएका थिए।

‘हामी वार्ताका लागि तयार छौं। युक्रेनको सशस्त्र सेनाले हाम्रा राष्ट्रपति (भ्लादिमिर पुटिन) को आह्वानलाई स्वीकार गर्नासाथ हामी प्रतिरोध गर्न रोक्दै आफ्नो हतियार राख्नेछौं। उनीहरूलाई कसैले आक्रमण गर्ने छैन, उनीहरूलाई कसैले दमन गर्ने छैन, उनीहरूलाई आफ्नो परिवारमा फर्कन वातावरण मिल्नेछ र युद्धको अन्त हुनेछ,’ लाभरोभले भनेका छन्। 

युक्रेनका राष्ट्रपति भोलोडिमिर जेलेन्स्कीले केही युरोपेली देशहरूले तनावको बीचमा युक्रेनलाई सहयोग पुर्‍याउन छिटो नगरेर बिलम्भ गरेकोमा आलोचना गरेका छन्।

बेलायत, अमेरिका, क्यानडा र युरोपेली संघलगायत धेरै देशका नेताहरूले युक्रेनमा रुसको सैन्य कारबाहीको निन्दा गरेका छन्। उनीहरुले रुसमाथि कडा प्रतिबन्ध पनि लगाएका छन्।