बर्दियामा घरबाटै चोरी भएको मोटरसाइकल तीन महिनापछि फेला परेको छ। साथै माेटरसाइकल चोरीमा संलग्न चार जनालाई पनि प्रहरीले पक्राउ गरेको छ।
बारबर्दिया नगरपालिका ३ का महेश चौधरीको भे ७ प ६६२५ नंको मोटरसकाइलक कार्तिक ५ गते घरबाटै चोरी भएको थियो।
कार्तिक महिनामा चोरी भएको मोटरसाइकल ईलाका प्रहरी कार्यालय बानियाभारको प्रहरी टोलीले नम्बर प्लेट परिवर्तन गरी चलाइरहेको समयमा माघ २१ गते फेला पारेको थियो। बारबर्दिया नगरपालिका २ का विशाल थापाले चलाइरहेको भे ४ प ३१२४ नंको मोटरसाइकल चेकजाँच गर्दा हराएकै मोटरसाइकल भएको खुलेको थियो।
त्यसपछि प्रहरीले थापासहित अन्य तीन जना बारबर्दिया नगरपालिका २ कै विक्रम विश्वकर्मा, सुरेन्द्र विक र सागर परियारलाई पनि चोरीमा संलग्न रहेको आरोपमा पक्राउ गरेको छ। उनीहरुमाथि थप अनुसन्धान भइरहेको जिल्ला प्रहरी कार्यालय बर्दियाका सूचना अधिकारी तथा प्रहरी नायव उपरीक्षक हेमबहादुर शाहीले जानकारी दिए।
