रुपन्देहीमा रोकिराखिएको ट्रकमा कार ठोकिदा ३ जनाको मृत्यु भएको छ भने २ जना घाइते भएका छन्।
मृत्यु हुनेमा रुपन्देहीको बुटवल उपमहानगरपालिका ११ बस्ने वर्ष ३० का कार चालक नविन चौधरी, कारमा सवार २८ वर्षीय गोविन्द चौधरी र २७ वर्षीय सविन थारु रहेका छन्।
घाइते हुनेमा बुटवल उपमहानगरपाकिला १२ का २५ वर्षीय अनिस विसी र २८ वर्षीय भागिरथ चौधरी छन्। उनीहरुको अहिले लुम्बिनी प्रादेशिक अस्पताल बुटवलमा उपचार भइरहेको जिल्ला प्रहरी कार्यालय सूचना अधिकारी तथा रुपन्देहीका प्रहरी नायव उपरीक्षक नवरत्न पौडेलले जानकारी दिए।
उनका अनुसार आज विहान सवा ५ बजे बुटवल उपमहानगरपालिका वडा–१२ तामनगर नजिक पूर्व पश्चिम राजमार्गमा दुर्घटना भएको हो। पश्चिमबाट पूर्व तर्फ जाँदै गरेको लु ३ च ४४४२ नम्बरको कार रोकिराखेको लु २ ख ९७७२ नम्बरको ट्रकमा ठोकिएको थियो।
घटनाका बारेमा थप अनुसन्धान भइरहेको प्रहरी नायव उपरीक्षक पौडेलले बताए।
