कसले प्रधानन्यायाधीशलाई काँध हाले र प्रधानन्यायाधीश कसको जोडबलमा टिकिरहनुभएको छ, देखिएन र ?

कुरीकुरीभन्दा कुरीकुरीले शर्माउने वा लजाउने भए पो कुरीकुरी। कुरीकुरीभन्दा पनि नलजाएपछि कुरीकुरी भन्नुको अर्थ के नै रहन्छ र ? अहिले सर्वोच्चको प्रांगणमा भइरहेको आन्दोेलन लगभग त्यस्तै देखिन्छ। कुरीकुरी त भनिएको छ, तर त्यसको मतलव नै नराखेपछि कुनै अर्थ हुने रहेनछ। अहिले प्रधानन्यायाधीश विरुद्धको आन्दोलनलाई हेर्दा केही प्रश्न उठेका छन्। प्रश्न के उठे भने अहिले भइरहेको आन्दोलनले कसलाई हरायो र कसलाई जितायो ? यो आन्दोलनमार्र्फत कुन पक्षले जित हासिल गर्‍यो ? समग्रमा भन्नुपर्दा यो आन्दोलनले न्यायपालिकालाई हरायो तर जित कसैको पनि भएन। जित नहुँदै आन्दोलन सेलाउँदै गयो।