पाकिस्तानमा अल्पसंख्यक महिलाहरूमाथि हुने अत्याचार अहिले सामान्य भइसकेका छन्।  

भर्खरै सार्वजनिक तथ्याङ्कअनुसार क्रिस्चियन र हिन्दू समुदायका करिब १,००० महिलाहरू प्रत्येक वर्ष इस्लाम धर्म परिवर्तन गर्न बाध्य छन्।

मानव अधिकारकर्मी अशिकनाज खोखरका अनुसार पाकिस्तानमा धार्मिक अल्पसंख्यक समुदायबाट नाबालिक केटीहरूको अपहरण सामान्य कुरा हो। 

‘पाकिस्तान सरकारले यो विषयलाई गम्भीरतापूर्वक लिएको छैन र संसदले भर्खरै जबरजस्ती धर्म परिवर्तनसम्बन्धी विधेयक पारित गर्न अस्वीकार गरेको छ’ खोखरले भनेका छ्न। 

पाकिस्तानको पञ्जाब प्रान्तको अर्को घटनामा एक ईसाई केटीलाई एक मुस्लिमले अपहरण गरेका छन्। १२ वर्षीय मीराब अब्बासलाई मुहम्मद दाउद र पाकिस्तानी प्रान्त बलुचिस्तानका मूल निवासीले लगेको ग्रीक सिटी टाइम्सले एशिया समाचार रिपोर्टलाई उद्धृत गर्दै रिपोर्ट गरेको छ। 

पाकिस्तानमा महिलाको दुर्दशा दिनानुदिन बढ्दै गएको ताजा रिपोर्टले देखाएको छ। देशको पञ्जाब प्रान्तमा २०२१ को पहिलो छ महिनामा झण्डै ६ हजार ७ सय ५४ महिला अपहरणमा परेका छन्। 

जसमध्ये १८९० महिला बलात्कृत, ३ हजार ७२१ यातना र ७५२ बालबालिका बलात्कृत भएका छन्। अगस्ट ३० मा, ट्रान्सपरेन्सी इन्टरनेशनल पाकिस्तान (टिआइपी)को बोर्ड अफ ट्रस्टीले देशमा महिलामाथि बढ्दो आक्रमणमा चिन्ता व्यक्त गरेको थियो।

दुनिया न्युजका अनुसार इस्लामावादमा करिब ३४ वटा आधिकारिक बलात्कारका घटना भएका छन् भने २७ घटना मिडियामा रिपोर्ट गरिएको छ। 

पञ्जाबमा आधिकारिक रूपमा दर्ता भएका हिंसाका घटनाहरूको संख्या ३,७२१ थियो, तर मिडियामा ९३८ घटना मात्रै रिपोर्ट गरियो।