.jpg)
दाङमा जेसिबी दुर्घटना हुँदा चालकको मृत्यु भएको छ भने सह-चालक सामान्य घाइते भएका छन्। आज विहान ४ बजे रा १ क ९१४ नम्बरको जेसिबी बंगलाचुली लगाउँपालिका वडा नं. ५ मा दुर्घटनामा परेको हो।
दुर्घनामा चालक घोराही उपमहानगर १० का २२ वर्षीय सुनिल विकको मृत्यु भएको बंगलाचुली गाउँपालिकाका अध्यक्ष भक्तबहादुर वलीले जानकारी दिए। दुर्घटनामा बर्दियाको गुलरिया नगरपालिकाका १ का २३ वर्षीय राजकुमार चौधरी सामान्य घाइते भएका छन्।
आज विहान बंगलाचुलीको पर्यटकीय स्थल भ्युटावर जाने बाटो मर्मत गर्ने समयमा जेसिबी दुर्घटनामा परेको हो। जेसिबी दुर्घटनाको कारण नखुले पनि माटोमा भासिएका कारण दुर्घटना भएको हुन सक्ने आँकलन गरिएको अध्यक्ष वलीले बताए।
