सल्यानको कपुरकोट नजिकै यात्रुवाहक बस दुर्घटना हुँदा १२ जनाको मत्यु भएको छ। दुर्घटनामा परी दर्जनाैँ घाइते भएका छन्।
सल्यान सदरमुकाम खलंगा हुँदै दाङको तुलसीपुरतर्फ जाँदै गरेको रा १ ख २५५२ नम्बरको बस बिहान ११ बजेतिर कपुरकोट गाउँपालिका–५ खारखोलामा दुर्घटना भएको हो।
दुर्घटनामा ५ जनाको घटनास्थलमै र ७ जनाको उपचारका लागि अस्पताल लैजाँदै गर्दा मुत्यु भएको जिल्ला प्रहरी कार्यालय सल्यानले जनाएको छ।
मृतकहरूमध्ये सल्यान शारदा नगरपालिका–१२ कि ५३ वर्षीया प्रभा चलाउने, शारदा–२ कि ६१ वर्षीया मिना डाँगी, शारदा–३ कि ६६ वर्षीया लिला बुढाथोकी, त्रिवेणी–१ काभ्रा कि २४ वर्षीया मिना शाही, दाङ बबई गाउँपालिका–४ बस्ने ६० वर्षीया डुली रेउले, बबई–६ पन्चकुले बस्ने ७० वर्षीया कलावती बुढाथोकी, घोराही नारायनपुर बस्ने ६५ वर्षीया ईन्द्रा अधिकारी र सल्यान छत्रेश्वरी–२ का २९ वर्षीय तिलक ओली रहेकाे प्रहरीले जानकारी दिएको छ ।
बस सडकदेखि १५० मिटर तल खोलामा खसेको हो।
