जिल्ला प्रहरी कार्यालय कास्कीले दुई फरार प्रतिवादी पक्राउ गरेको छ। लागूऔषध र चोरी मुद्दामा दोषी ठर्याइएका दुई फरार प्रतिवादीलाई प्रहरीले पक्रेको हो।
जिल्ला अदालतको लागत नम्बर ५१५१ लागू औषध मुद्दामा १ वर्ष ८ महिना १२ दिन कैद सजाय र १ लाख रुपैयाँ जरिवाना तोकिएका प्रतिवादी स्याङ्जा फेदीखोला गाउँपालिका ५ स्थायी घर भएका २१ वर्षिय सन्दिप पौडेललाई प्रहरीले पक्राउ गरेको हो।
हाल पोखरा महानगरपालिका वडा १७ बस्दै आएका पौडेल सहित अर्का कास्की जिल्ला अदालतको लागत नम्बर ५७३९, ५७४० र ५७४१ चोरी मुद्दामा ७ महिना ९ दिन कैद भुक्तान गर्न बाँकी रहेका प्रतिवादी जिल्ला बागलुङ ढोरपाटन नगरपालिका ९ घर भई हाल जिल्ला पोखरा ५ मालेपाटन बस्ने ४१ वर्षिय डोर बहादुर बुढालाई पक्राउ गरेको जिल्ला प्रहरी कार्यालय कास्कीका डिएसपी सुवास हमालले जानकारी दिए।
निजहरूलाई सम्मानित कास्की जिल्ला अदालतको आदेशले कारागार चलान गरिएको उनले सुनाए।a
