नेपालमा गएको २४ घन्टामा ३ हजार ९३८ जनामा कोरोना भाइरस सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार पछिल्लो समय १८ हजार ४०८ जनाको नमुना परीक्षण गर्दा ३ हजार ९३८ जनामा संक्रमण पुष्टि भएको हो।
यस्तै गत २४ घण्टामा २ हजार १२ जना सङ्क्रमणबाट मुक्त भएका छन्। नेपालमा अहिलेसम्म ६ लाख ६३ हजार ६६३ जना सङ्क्रमणबाट मुक्त भएका छन्।
यस्तै गएको २४ घण्टामा सङ्क्रमणबाट ३७ जनाको मृत्यु भएको छ। योसँगै नेपालमा कोरोना भाइरसको सङ्क्रमणबाट ९ हजार ९९४ जनाको ज्यान गएको छ।
नेपालमा हाल सक्रिय सङ्क्रमितको सङ्ख्या ३४ हजार ४२२ रहेको छ।
