नेपालमा पछिल्लो २४ घण्टामा ३ हजार ४२१ जनामा कोरोना भाइरस सङ्क्रमण पुष्टि भएको छ।
देशभर गत २४ घण्टामा १७ हजार २७२ जनाको कोरोना परीक्षण गर्दा ३ हजार ४२१ जनामा संक्रमण पुष्टि भएको स्वास्थ्य तथा जनसंख्या मन्त्रालयका जनाएको छ।
हालसम्म ६ लाख ४५ हजार ३०१ जना कोरोना भाइरसबाट मुक्त भई घर फर्किएका छन्। पछिल्लो २४ घण्टामा देशभर १ हजार ६८६ सङ्क्रमित निको भएर घर फर्किएका छन्।
त्यसैगरी पछिल्लो समय नेपालमा कोरोना भाइरसको सङ्क्रमणबाट थप २५ सङ्क्रमितको मृत्यु भएको छ। योसँगै कोरोना भाइरसको सङ्क्रमणबाट ज्यान गुमाउनेको सङ्ख्या ९ हजार ७३८ पुगेको मन्त्रालयले जनाएको छ।
