युरोकप फुटबल अन्तर्गत इंग्ल्यान्ड सेमिफाइनलमा प्रवेश गरेको छ।
शनिबार राति भएको अन्तिम क्वाटरफाइनलमा युक्रेनमाथि शानदार जित निकाल्दै इंग्ल्यान्ड सेमिफाइनलमा प्रवेश गरेको हो। युक्रेन ४-० गोल अन्तरले पराजित भएको थियो।
इंग्ल्यान्डलाई जित दिलाउन कप्तान ह्यारी केनले दुई गोल गरे भने ह्यारी मग्वाएर र जोर्डन हेण्डरसनले एक एक गोल गरे।
यससँगै इंग्ल्यान्ड २५ वर्षपछि युरोकपको सेमिफाइनलमा प्रवेश गरेको हो। अब इंग्ल्यान्डले सेमिफाइनलमा डेनमार्कसँग प्रतिस्पर्धा गर्नेछ।
