मार्च महीनाको मध्यतिर समस्त भारतमा जस्तै काठमाडौंमा पनि नयाँ वर्षको उत्सव मनाइन्छ।
यहाँ धेरै दिनसम्म यो उत्सव चालू रहन्छ। समस्त वर्गका जनता एउटै किसिमले उत्सव मनाउँछन्। बिहानपख बाटामा हिंड्नेहरू एक-अर्कोलाई अबीर छ्याप्तछन्। उत्सवपछि एक सातासम्म पनि सडकहरूमा रातो टाटो लागेको सेतो लुगा लगाएका मानिसहरू भेटिन्छन्।
यो उत्सवको खुसीयालीको चिह्न हो। साँझपख सम्पन्न मानिसहरू आफ्नै घरमा तमासा अर्थात् नेपाली ब्याले र नाटकको आयोजना गर्दछन्। नेपालमा ब्यालेको राम्रो विकास भएको छैन।
स्थानीय नर्तकीहरू न कलानिपुण छन्, न त सुन्दरी नै। कश्मीरबाट मगाउनु ज्यादै महँगो पर्दछ। कश्मीरकी गएगुज्रेकी नर्तकीले समेत एक हप्ता नाच देखाएको अन्दाजी एक हजार रुपियाँ माग्दछे, जुन हाम्रो मुद्रामा सात सय रूबल बराबर हुन्छ।
