प्रतिनिधिसभा विघटनको विरोधमा नेकपा प्रचण्ड–माधव समूहले तेस्रो चरणको आन्दोलन घोषणा गरेको छ।
केन्द्रीय संघर्ष समितिले आइतबार पेरिसडाँडामा पत्रकार सम्मेलन गरेर तेस्रो चरणको आन्दोलनका कार्यक्रम घोषणा गरेको हो।
फागुन ६ गते प्रतिगमन, महङ्गी र भ्रष्टाचारको विरोधमा टुँडिखेल वरिपरि मानव साङ्लो बनाएर विरोध गर्ने कार्यक्रम रहेको छ।
फागुन ७ मा सबै वडामा विरोध गर्ने बताइएको छ। फागुन ७ देखि १५ गतेसम्म सार्वजनिक स्थलहरूमा हस्ताक्षर संकलन गर्ने कार्यक्रम रहेको छ।
