प्रधानमन्त्री केपी शर्मा ओलीले निर्वाचन आयोगलाइ चुनावको तयारी निर्बाध रुपमा अघि बढ्न आग्रह गरेका छन् । उनले घाेषित मितिमा निर्वाचन सम्पन्न गर्नेगरी आयाेगले गरिरहेका तयारी कार्यहरू सन्ताेषजनक रहेकाेमा धन्यवाद पनि ज्ञापन गरे ।
मन्त्रिपरिषद् बैठकबाट बैशाख १७ गते चार प्रदेशका ४० जिल्ला (प्रदेश नम्बर २, गण्डकी, लुम्बिनी र सुदूर पश्चिम प्रदेश) मा र बाँकी तीन प्रदेशका ३७ जिल्लामा बैशाख २७ गते चुनाव गर्ने निर्णय गरेलगत्तै ओली आयोग पुगेका थिए।
प्रधानमन्त्रीका प्रेस सल्लाहकार सूर्य थापाले दिएको जानकारीअनुसार, प्रधानमन्त्री ओलीले आयोगलाई सरकारको निर्णयबारे जानकारी दिए र आयोगको हालसम्मको तयारीबारे जानकारी लिएका छन्। उक्त अवसरमा प्रमुख निर्वाचन आयुक्त दिनेश थपलियाले आयाेगले गरिरहेका कामहरूबारे सबिस्तार जानकारी गराएका थिए ।
आयोगले निर्वाचनको तयारीका लागि गरिरहेको कामको जानकारी लिन आयोग पुगेका प्रधानमन्त्री ओलीले प्रमुख निर्वाचन आयुक्त दिनेश थपलियासहित अन्य आयुक्तहरुसँग छलफल गरी निर्वाचनको तयारी तीब्र पार्न आग्रह गरे ।
प्रधानमन्त्री ओलीसँगै उपप्रधानमन्त्री ईश्वर पोखरेल, अर्थमन्त्री विष्णु पौडेल र पूर्वसभामुख सुवास नेम्वाङ आयोग पुगेका थिए।
थापाका अनुसार सोमबार मन्त्रिपरिषद्ले गरेको निर्णय अनुसार पहिलो र दोस्रो चरणको चुनाव हुने जिल्लाको बारेमा छलफल भएको थियो। प्रधानमन्त्री ओली चुनाव घोषणापछि पहिलोपल्ट छलफलका लागि आयोग पुगेका हुन्।
नेकपाको आधिकारिकता र चुनाव चिन्हबारे विवाद जारी छ। नेकपाको अर्को समूहका अध्यक्ष प्रचण्ड र वरिष्ठ नेताहरु माधव नेपाल. झलनाथ खनाल लगायतले आयोगमा गएर चुनावको तयारी नगर्न निर्वाचन आयोगलाई दबाब दिएका थिए ।
प्रधानमन्त्री केपी शर्मा ओली चुनावको तयारीबारे जानकारी लिन निर्वाचन आयोगमा पुगेका छन्। बैशाख १७ गते चार प्रदेशका ४०– जिल्ला प्रदेश नम्बर २, गण्डकी, लुम्बिनी र सुदूर पश्चिम प्रदेशमा र बाँकी तीन प्रदेशका ३७ जिल्लामा बैशाख २७ गते चुनाव गर्ने निर्णय गरेलगत्तै ओली आयोग पुगेका हुन्।
प्रधानमन्त्री ओलीले आयोगलाई सरकारको निर्णयबारे जानकारी दिने र आयोगको हालसम्मको तयारीबारे जानकारी लिने छन्।
प्रधानमन्त्री ओली चुनाव घोषणापछि पहिलोपल्ट छलफलका लागि आयोग पुगेका हुन्। नेकपाको आधिकारिकता र चुनाव चिन्हबारे पनि विवाद जारी छ। आयोगले माघ ११ गते नेकपा फुट्न नसक्ने भन्दै दुई अध्यक्षको हस्ताक्षरसहितको निर्णयलाई मात्र आधिकारिक मान्ने निर्णय गरिसकेको छ। यसबारे प्रचण्ड समूहले असन्तुष्टि जनाएको छ।
प्रधानमान्त्री ओलीले गत पुस ५ गते प्रतिनिधिसभा विघटन गरी आगामी वैशाख १७ र २७ गते मध्यावधि निर्वाचन गर्ने घोषणा गरेका थिए।
प्रधानमन्त्री केपी शर्मा ओली आज निर्वाचन आयोगमा पार्टी विवादलाई लिएर छलफलका लागि जाँदैछन्। आयोगले नेकपा विवाद र निर्वाचनको तयारीको विपषयमा छलफलको लागि गत माघ १६ गते नेकपाका दुबै पक्षलाई बोलाएको थियो।
प्रचण्ड–माधव पक्षले यसअघि आयोगको कान्तिपथस्थित कार्यालय पुगेर आधिकारिकता दाबी गरेको थियो। प्रधानमन्त्री ओली पहिलो पल्ट आयोगमा छलफलका लागि जान लागेका हुन्। प्रधानमन्त्री बिहान ११ बजे आयोगको कार्यालय जाने सचिवालय स्रोतले बताएको छ।
नेकपा आन्तरिक विवादपछि दुई खेममा बाँडिएको छ। जसको एउटा खेमाको प्रधानमन्त्री ओलीले नेतृत्व गरिरहेका छन् भने अर्काे पक्षको नेतृत्व प्रचण्डले गरेका छन्।
नेकपाका दुवै पक्षका नेताहरुले आफ्नो पक्ष मूल पार्टी भएको दाबी गरेका छन्। तर निर्वाचन आयोगले दुवै पक्षको दाबी नपुगेको बताउँदै आएको छ। यसअघि प्रचण्ड पक्षले प्रधानमन्त्री ओलीलाई हटाएर माधव नेपाललाई अध्यक्ष बनाएको दाबी गरे पनि आयोगले त्यसलाई खारेज गरिसकेको छ।
आज प्रधानमन्त्री ओलीले आयोग कार्यालय पुगेर आफू नै आधिकारिक नेकपा भएको दाबी गर्नेछन्। आगामी मध्यावधि निर्वाचनको तयारीबारे जानकारी लिने कार्यक्रम पनि रहेको सचिवालयले जनाएको छ।
प्रधानमान्त्री ओलीले गत पुस ५ गते प्रतिनिधिसभा विघटन गरी आगामी वैशाख १७ र २७ गते मध्यावधि निर्वाचन गर्ने घोषणा गरेका थिए।
