नेपालमा पछिल्लो २४ घण्टामा थप ४८८ जना कोरोना संक्रमित थपिएका छन्। ३ हजार ३ सय ९ पीसीआर परीक्षण गर्दा उनीहरुमा काेराेना संक्रमण पुष्टि भएकाे हाे।
स्वास्थ्य मन्त्रालयका अनुसार पछिल्लो २४ घण्टामा काठमाडौं उपत्यकामा थप ३१४ जनामा कोरोना भाइरसको संक्रमण पुष्टि भएको छ। काठमाडौंमा २३०, भक्तपुरमा १५ र ललितपुरमा ६९ जना कोरोना संक्रमित थपिएका छन्।
यससँगै देशभर कोरोना संक्रमितको कुल संख्या २ लाख ६५ हजार २६८ पुगेको छ।
सोमबार ५२७ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या २ लाख ५८ हजार ९६८ पुगेको छ।
हाल देशभर ४ हजार ३ सय ७३ जना सक्रिय संक्रमित रहेका छन्।
मन्त्रालयका अनुसार हाल देशभर १६३ जना कोरोना संक्रमितको आइसीयुमा र ३७ जनाको भेन्टिलेटरमा उपचार भइरहेको छ।
यस्तै नेपालमा पछिल्लो २४ घण्टामा थप १० जना कोरोना संक्रमितको मृत्यु भएको छ। यससँगै देशभर कोरोनाबाट ज्यान गुमाउनेको संख्या १ हजार ९ सय २७ पुगेको छ।
