वीरगञ्जस्थित नारायणी अस्पतालको प्रयोगशालामा गरिएको पीसीआर परीक्षणमा २ जना कोरोना संक्रमित थपिएका छन् ।
पर्साबाट संकलित ६७ जनाको थ्रोट स्वाबको नमुना परीक्षण गर्दा २ जनाको रिपोर्ट पोजेटिभ आएको हो ।
पर्साका १ पुरुष र १ महिला गरी २ जनामा संक्रमण पुष्ठि भएको नारायणी अस्पतालका कोभिड संयोजक डा सरोज रोशन दासले जानकारी दिए।
पर्सामा थपिएका संक्रमित वीरगञ्ज महानगरपालिका १३ निवासी ३८ वर्षीय महिला र ४४ वर्षिय पुरुष रहेका छन्।
डा दासका अनुसार थपिएका संक्रमितहरुको सिटि भ्यालु २१ देखी २५ रहेको छ ।
