प्रहरीले मकवानपुरबाट १ सय ६५ किलो अवैध लागुऔषध गाँजासहित ८ जनालाई पक्राउ गरेको छ।

मकवानपुरको मनहरी गाउँपालिका ६ रुपाचुरी जंगलस्थित बासको छाप्रोबाट प्रहरीले गएराति करिब १ सय किलो अवैध लागूऔषध गाँजा बराद गरेको हो। 

सो क्षेत्रमा गाँजा प्याकिङ गरिरहेको भन्ने सूचनाको आधारमा ईलाका प्रहरी कार्यालय मनहरीबाट खटिएको प्रहरीले उक्त गाँजा बरामद गरेको जिल्ला प्रहरी कार्यालय मकवानपुरले जनाएको छ। 

गाँजा प्याक गर्नेहरु भने फरार भएको प्रहरीले जनाएको छ। त्यसैगरी प्रहरीले कमवानपुरको मनहरी गाउँपालिका ८ सिमपानीस्थित सडकबाट करिब ६५ किलो अवैध लागूऔषध गाँजासहित ८ जनालाई पक्राउ गरेको छ। 

पक्राउ पर्नेमा राक्सिराङ गाउँपालिका २ बस्ने २२ वर्षीय सुजन प्रजासहित ८ जनालाई पक्राउ गरेको छ। पक्राउ परेका ८ जनालाई प्रहरी थुनामा राखि आवश्यक अनुसन्धान अघि बढाइएको प्रहरीले जनाएको छ।