आज सूर्य उदाएको छैन
रातको जूनले साथ दिएको छैन
मरूभूमिमा एउटा यस्तो दृश्य बनेको छ
लाग्छ अब मेरो देश नांगिनेछ

तिम्रो आचरणले गर्दा
तिम्रो मनोबलले गर्दा
आज रिसाएको छ सुनौलो प्रातः
तिम्रो लोचनको अगाडि
मेरो सदनको छतमाथि

म कसरी बाँचौँ अब
मेरो धर्ममा धब्बा लागेको छ
मेरो आस्थामा दाग लागेको छ
तिम्रो मिथ्या व्याख्याद्वारा
आज समाज पनि भ्रममा परेको छ

हाम्रा  मुनिहरूले
अनाधिकालबाट बचाएर ल्याएको आस्था
आज तिम्रो युगमा आएर 
मिथ्या भएको छ
आज तिम्रो हाथमा आएर
विभाजन भएको छ
आज तिम्रो आँगनमा आएर
विभेद भएको छ

मेरो शरीरको कणकणमा 
मेरा पूर्खाको रगत बगेको छ
म आज आएर मौन भए भनेँ
गगनमा बसेका मेरा पिता रिसाउने छन्
धर्तीमा बसेकी मेरी जननी रिसाउने छिन्
त्यसैले म यस्तो ध्वनिका साथ अगाडि बढ्ने छु
भोलिको युगमा गएर पनि 
मेरो आस्था अडिक रहोस्
मेरो संस्कृति निश्चल रहोस्
मेरो परम्परा अमर रहोस्
र! मपनि यही धर्मको अनुयायी बन्न सकूँ