पछिल्लो २४ घण्टामा देशभर थप ४१९ जनामा कोरोना संक्रमण पुष्टि भएको छ।
हालसम्म नेपालमा २ लाख ६१ हजार ४३८ संक्रमितको संख्या पुगेको स्वास्थ्य तथा जनसंख्या मन्त्रालयले जनाएको छ।
देशभरी सक्रिय संक्रमितको संख्या हालसम्म ५ हजार ७११ छ।
त्यसैगरी २४ घण्टामा ७५० जना कोरोना संक्रमणबाट निको भएर डिस्चार्ज भएका छन्। योसँगै निको हुनेको संख्या २ लाख ५३ हजार ८५७ पुगेको छ।
हालसम्म क्वारेन्टाइनमा रहनेको संख्या ३६७ रहेको छ। मन्त्रालयका अनुसार हालसम्म पीसीआर विधिबाट १९ लाख ४२ हजार ७०२ परीक्षणहरु गरिएका छन्।
कोरोना संक्रमणबाट २४ घण्टामा थप ६ को मृत्यु भएको छ। हालसम्म कोरोना संक्रमणबाट मृत्यु हुनेको संख्या १ हजार ८७० जना पुगेको छ।
