पछिल्लो २४ घण्टामा देशभर थप ६ सय ५९ जनामा कोरोना भाइरसको संक्रमण देखिएको छ।
५५ सय ७८ जनाको परीक्षणमा ४०७ जना पुरुष र २५२ जना महिला गरी ६ सय ५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा काठमाडौं जिल्लामा २०७, भक्तपुरमा २२ र ललितपुरमा ४९ जना संक्रमित भेटिएका छन्।
यीसहित हालसम्म संक्रमित हुनेको कुल संख्या २ लाख ५८ हजार ८ सय ४० सय पुगेको छ।
पछिल्लो २४ घण्टामा कोरोना भाइरस संक्रमणमुक्त हुनेको संख्या ७१८ रहेको छ। योसहित कोरोनाबाट निको हुनेको संख्या २ लाख ५० हजार ५ सय ८१ पुगेको छ।
हाल नेपालमा सक्रिय संक्रमितको संख्या ६४२७ रहेको छ।
त्यस्तै, यसको संक्रमणबाट थप ७ जनाको मृत्यु भएको मन्त्रालयले जनाएको छ। हालसम्म मृत्यु हुनेको संख्या १८३२ पुगेको छ।
योसँगै कोरोनाबाट मृत्यु हुनेको संख्या एक हजार ८ सय ३२ पुगेको छ।
