पछिल्लो २४ घण्टामा थप ६१३ जनामा कोरोना संक्रमण पुष्टि भएको छ। बिहीबार ५ हजार ५१० पीसीआर परीक्षण गर्दा २३३ महिला र ३८० जना पुरुषमा संक्रमण पुष्टि भएको हो।
पछिल्लो २४ घण्टामा काठमाडौं उपत्यकामा थप २४४ कोरोना संक्रमित देखिएको स्वास्थ्य तथा जनसंख्या मन्त्रालयले जनाएको छ।
संक्रमित पुष्टि हुनेमा १ सय जना महिला र १ सय ४४ पुरुष रहेका छन्।
काठमाडौंमा १ सय ९९, भक्तपुरमा १८ र ललितपुरमा २७ जना नयाँ संक्रमित थपिएका हुन्।
हालसम्म नेपालमा २ लाख ५६ हजार ५९२ संक्रमितको संख्या पुगेको मन्त्रालयले जनाएको छ।
त्यसैगरी २४ घण्टामा ७३९ जना कोरोना संक्रमणबाट निको भएर डिस्चार्ज भएका छन्।
योसँगै निको हुनेको २ लाख ४७ हजार ४०० संख्या पुगेको छ।
देशभरी सक्रिय संक्रमितको संख्या हालसम्म ७ हजार ३८४ छ। हालसम्म पीसीआर विधिबाट १८ लाख ९६ हजार २५० परीक्षणहरु गरिएको मन्त्रालयले जनाएको छ।
हालसम्म क्वारेन्टाइनमा रहनेको संख्या ४०० रहेको छ।
कोरोना संक्रमणबाट २४ घण्टामा थप ५ को मृत्यु भएको छ। हालसम्म कोरोना संक्रमणबाट मृत्यु हुनेको संख्या १ हजार ८०८ जना पुगेको छ।
