दरबारमार्गबाट ८ जुवाडे पक्राउ परेका छन्।

महानगरीय प्रहरी वृत्त, दरबारमार्गका अनुसार ‘वान वे एके’ लाउन्जमा जुव खेलिरहेको अवस्थामा दुई जना महिलासहित ८ जना पक्राउ परेका हुन्।

 पक्राउ पर्नेमा प्रकाश लामा, अजय लामा, सुमन घिमिरे, कल्याण कार्की, सूर्य लामा, कमल ज्ञवाली, रञ्जना ढकाल र ओममाया गुरुङ छन्।

उनीहरुको साथबाट ५ लाख १८ हजार रुपैयाँसहित चेक र तास बरामद भएको वृत्तका डीएसपी रामेश्वर पौडेलले बताए।

घटनामा थप केही व्यक्ति फरार रहेको बताइएको छ। सबै जनालाई जुवा ऐन अनुसार कारबाहीका लागि म्याद गरेर विस्तृत अनुसन्धान थालिने उनले बताए।