फेसबुकमा सुसाइड नोट लेखेर बेपत्ता भएका दन्तरोग विशेषज्ञ डा. दिगम्बर झा

काभ्रेको भुम्लु गाउँपालिका-१० स्थित अरनिको राजमार्गमा भेटिएका छन्।

मगंलबार बिहान फेसबुकम सुसाइड नोट पोस्ट गरेर भक्तपुरकाे राधेराधेबाट उनी सम्पर्क बिहीन भएका भएका थिए।

फोन तथा गाडी ट्रेसिङ गर्दै जाँदा पछिल्लो समय पौनती आसपास रहेको र त्यहाँ उनले चढ्दै आएको बा १६ च ८६७९ नम्बरको गाडी समेत फेला परेको महानगरीय प्रहरी परिसर, भक्तपुरका डीएसपी दीपक गिरीले बिएल नेपाली सेवालाई बताए।

डा. झाले सुसाइड नोटमा आफूले आत्महत्या गर्नुको कारण बुवा, आमा र बहिनीसहितका परिवारका सदस्य रहेको उल्लेख गरेका थिए।

‘बुबा, आमा र बहिनीले जहिले मलाई दुविधामा पारिरहे,’ उनले लेखेका छन्, ‘मैले कहिल्यै पनि आफ्नो चाहना अनुसार गर्न पाइनँ, जहिले उनीहरुको माग पूरा गर्दा थाकिसकेँ।’

डा. झा राधेराधेमा द सिटी डेन्टल हस्पिटल सञ्चालन गर्दै आएका थिए। 

‘झोकराएर बसेको अवस्थामा फेला पारिएको भन्ने खबर आएको छ’, गिरीले थपे, ‘थप अनुसन्धान गरिरहेका छौं।’

उनको परिवारमा राम्रो सम्बन्ध नभएको बुझिएको प्रहरीले जनाएको छ।

उनले फेसबुकमा आफ्नो जीवन रहेका श्रीमतीलाई आमा, बुवा र बहिनीले कुट्न बाध्य पार्ने गरेको लेखेका छन्।