पोर्चुगलका स्टार खेलाडी क्रिष्टियानो रोनाल्डो कोरोना संक्रमणमुक्त भएका छन्।
३५ वर्षका रोनाल्डो १८ दिनपछि संक्रमण मुक्त भएका हुन्।
अक्टोबर १३ मा संक्रमण पुष्टि भएपछि उनी सेल्फ आइसोलेशनमा गएका थिए।
गएको मंगलबार भएको परीक्षणमा पनि संक्रमण देखिएपछि उनले बुधबार च्याम्पियन्स लिगमा बार्सिलोनासँगको खेल गुमाएका थिए।
उक्त खेलमा युभेन्टस २–० ले पराजित भएको थियो। उनी कोरोना संक्रमित हुँदा दुई वर्षपछि पहिलोपटक रोनाल्डो र लियोनल मेसी आमनेसामने हुने अवसर गुमेको थियो।
यसका साथै उनले सिरी ए का दुई तथा इटालियन च्याम्पियनका दुई युरोपियन खेल पनि गुमाए।
रोनाल्डोले पछिल्लो पटक अक्टोबर ११ मा नेशन्स लिगमा पोर्चुगलबाट फ्रान्सविरुद्ध खेलेका थिए।
