प्रभु हेलिकप्टर प्रालीले ल्याएको नयाँ एअरबस हेलिकप्टर एच १२५ ए एस ३५० बी ३ ईले उडान अनुमति प्राप्त गरेको छ।
स्थापनाको पाँच वर्षमा यो एअरबस हेलिकप्टरसँगै प्रभुसँग हेलिकप्टरको सङ्ख्या ६ पुगेको छ।
प्रभुले नेपाल भ्रमण वर्ष २०२० लाई मध्यनजर गरेर गएको चैत्र ११ गते नयाँ हेलिकप्टर भित्र्याएको थियो। यद्यपी काेराेनाकाे कहर लकडाउने गर्दा उडान हुन पाएकाे थिएन्।
कल साइन ९ एन–एनएलई रहेकोे हेलिकप्टर ६ सिट क्षमताको रहेको छ। यो हेलिकप्टर नेपाली भूभागको लगि योग्य हेलिकप्टर रहेको प्रभु हेलिकप्टरका डेपुटी जनरल म्यानेजर नोबलकुमार राजलवटले बताए।
हिमाली क्षेत्रको दृश्यावलोकन र धार्मिक क्षेत्रमा पर्यटकीय उडान गर्दै आएको प्रभु हेलिकप्टरले पोखराबाट अन्नपूर्ण बेस क्याम्प, माछापुच्छ्रे बेस क्याम्प, मर्दी हिमाल, मुक्तिनाथ, रारा र काठमाण्डाैबाट लुक्ला, पाथीभरा, हलेसी महादेव, कालिञ्चाेककाे सेवा दिंदै आएको छ।
प्रभु हेलिकप्टरले गण्डकी प्रदेशको सामाजिक विकास मन्त्रालयसँगको समन्वयमा गर्भवती र सुत्केरीको आपत्कालीन उद्धारसमेत गर्दै आएको छ।
.jpg)
