हलिउडपछि सबैभन्दा प्रभावशाली रहेको हिन्दी फिल्म बलिउड कोरोना भाइरसको महामारीका कारण नराम्रोसँग प्रभावित भएको छ।
विगत ६ महिनादेखि सिनेमा हल बन्द हुँदा यससँग जोडिएका लाखौं मानिस प्रभावित भएका छन्।
फिल्म निर्माता–निर्देशक मात्र होइन, वितरकको अवस्था पनि कमजोर बन्दै गइरहेको छ। ६ महिनादेखि ५० वटा हिन्दी फिल्म रिलिज हुनबाट रोकिएको विश्लेषक राज बंसलले बताएका छन्।
उनका अनुसार हालसम्म १५०० करोडको नोक्सानी बलिउडले बेहोर्नु परिसकेको छ।
सन् २०१९ मा बलिउडमा २ सय ५० फिल्म रिलिज भएको थियो भने ५६०० करोड रुपैयाँको व्यापार भएको थियो।
२०१९ मा १०० करोडभन्दा बढी व्यापार गर्ने फिल्म १९ वटा थियो।
