नेकपाको स्थायी कमिटी बैठक बालुवाटारमा सुरू काठमाडौं सत्तारूढ दल नेपाल कम्युनिष्ट पार्टीको स्थायी समिति बैठक प्रधानमन्त्री निवास बालुवाटारमा सुरू भएको छ।

करोना रोकथाम तथा नियन्त्रण, सीमा समस्या र समाधान, मिलेनियम च्यालेन्ज कर्पोरेसन (एमसिसी)लगायत विषयमा छलफल गर्न बैठक डाकिएको हो। बैठकमा प्रधानमन्त्री केपी ओली तथा अध्यक्ष पुष्पकमल दाहालले वर्तमान परिस्थिति र स्थायी कमिटी बैठक बोलाउनुपर्ने बारे मन्तव्य राख्ने पहिलो कार्यसूची छ।

यस्तै, कोरोना नियन्त्रण, रोकथाम र उपचार, नेपालको सीमा समस्या र समाधानबारे छलफल गर्ने दोस्रो कार्यसूची छ। पार्टी एकताका बाँकी कामहरूबारे तेस्रो कार्यसूची रहेको एक नेताले बताए। यस्तै, एमसिसी र अन्य विविध गतिविधिबारे छलफल गर्ने कार्यसूची छन्। सरकार सञ्चालन, कोरोना रोकथाम तथा नियन्त्रण र एमसिसीबारे नेकपामा तीब्र मतभेद छ।