गुल्मीको रिडी खोलामा एक युवकको बेवारिसे शव फेला गरेको छ। जिल्लाको रुरुक्षेत्र गाउँपालिका १ को शाखरमा रिडी खोला किनारमा अन्दाजी १५/१६ वर्षको एक युवकको बेवारिसे शव फेला परेको हाे।

शुक्रवार साँझ फेला परेको शवलाई पहिचानको लागि इलाका प्रहरी कार्यालय रिडीमा राखिएको प्रहरीले जनाएको छ। 

शवको टाउकोमा चोट लागेको, वायाँ हातमा माछा मार्ने जालको डोरी बेरिएको र नग्न अवस्थामा शव फेला परेको  जिल्ला प्रहरी कार्यालय गुल्मीका प्रहरी निरीक्षक चुरामणी पुनले बताए। 

शव पहिचानको लागि मातहतका प्रहरी चौकीमा खबर गरिएको प्रहरी निरीक्षक पुनले बताए।