एमसीसी परियोजनाबारे छलफल गर्न नेकपा सचिवालयको बैठक आज आइतबार बस्दै छ।

बैठक अपराह्न चार बजे प्रधानमन्त्री निवास बालुवाटारमा बस्न लागेको हो।

बैठकमा एमसीसी कार्यदलका सदस्यद्वय भिम रावल र प्रदीप ज्ञवालीका साथै अर्थमन्त्री डा. युवराज खतिवडालाई पनि आमन्त्रित सदस्यको रुपमा बोलाइएको छ। यसअघिको बैठकमा पनि रावल, ज्ञवाली र खतिवडालाई बोलाएर एमसीसीबारे नेकपाले छलफल गरेको थियो।

तर पार्टीले गठन गरेको कार्यदलले एमसीसी जस्ताको त्यस्तै पारित गर्न नहुने सुझाव दिएको छ।