नेकपाका वीरगन्ज महानगर अध्यक्ष रहबर अन्सारी सवारी दुर्घटनामा परेका छन्। शनिबार वीरगन्जबाट काठमाडौं जाने क्रममा राति करीब १० बजेको समयमा उनले चलाएको गाडी दुर्घटनामा परेको हो।

पानी परेकाले दुर्घटना भए पनि उनी धादिङ प्रहरीको सहयोगमा गाडीबाट सुरक्षीत बाहिर निस्किएको अन्सारीले सामाजिक संजालबाट जनाएका छन् ।

दुर्घटनामा गाडी क्षतिग्रस्त भए पनि असांरीको अवस्था भने सामान्य छ।

‘अहिले वीरगन्जबाट काठमाडौं जाने क्रममा केही बेर अगाडि भएको दुर्घटनामा मेरो गाडि क्षतिग्रस्त भए पनि मलाई सुरक्षित बाहिर निकालियो। स्थानीय भाइहरु र धादिङ प्रहरीको सहयोग पाईरहेको छु । भारी वर्षाको कारण केही बेर यहाँ बसेर काठमाडौं तिर लाग्नेछु। म सकुशल रहेको जानकारी गराउन चाहन्छु। तपाईंहरुको माया र सद्भावप्रति म निकै अभारी छु,’ उनले फेसबुकमा लेखेका छन्।