राजविराजबाट २ सुरक्षाकर्मी, एक महिलासहित १७ कोरोना संक्रमित निको भएर घर फर्किएका छन्।
राजविराजस्थित साईकृष्ण मेडिक कलेजको पुरानो भवनस्थित आइसोलेसनमा दुई हप्ताभन्दा बढी समयदेखि राखिएका उनीहरुलाई बिहीबार साँझ पुष्पगुच्छा र निको भएको प्रमाण पत्र दिँदै बिदाई गरिएको हो।
बिहीवार निको भएर फर्किएसहित सप्तरीमा कोरोना निको भएर घर फर्कनेको संख्या २१ पुगेको छ। जिल्लामा बिहीबार साँझसम्म १ सय २१ जनामा संक्रमण पुष्टि भइसकेको छ।
